"ЖоMarch түлек Тараз" түлектер форумы

2023 жылдың 15 наурыз күні «ЖоMarch түлек» жобасы аясында алтын ұясына демеушілік көрсеткен түлектердің жұмысын насихаттау мақсатында 11 округтің, атап айтқанда №19,55,56,57,59 орта мектептердің ұйымдастыруымен "ЖоMarch түлек Тараз" түлектер форумы өткізілді. Іс-шараға ағымдағы жылдың түлектері, директордың тәрбие ісі жөніндегі орынбасарлары, кәсіби бағдар мамандары қатысып, "ЖоMarch түлектердің" көрсеткен қолғабыстар тарихына көз жүгіртті. Форумда түлектер өмір жолы, жеткен жетістігімен бөлісіп, үлкен өмірге қаланған берік баспалдақ үшін туған жеріне, мектебіне ыстық ықыласын, жүрекжарды алғысын білдірді. Бастарынан өткен қызықты сәттерімен бөлісіп, жас буынға ағалық жол сілтеп, келер ұрпаққа сенімін білдірді.

Кездесу соңында жоMarch түлектерге алғыс хаттар мен "ЖоMarch түлек 2023" статуэткалары табысталды.

ЖоMarch түлектің жастарға тек материалдық қана емес, рухани қолдауы аса бағалы екендігіне көз жеткізгендейміз.