2022 жылдың желтоқсан айындағы Қамқоршылық кеңес отырысының хаттамасы

Жамбыл  облысы әкімдігінің  білім   басқармасы  Тараз  қаласының білім бөлімі» 

«№56 орта мектебі»  коммуналдық   мелекеттік  мекемесі 

080000,Тараз қаласы, Құмшағал алқабы, Ақсарай  көшесі №12, тел:55-02-52, 56taraz@mail.kz

2022 жылдың желтоқсан айындағы

Қамқоршылық кеңес отырысының

хаттамасы 

Өткізілген  уақыты:                                                               28 желтоқсан  2022 жыл

Қатысқандар:

Барлығы-15

Қатысқаны-10

Себептісі-5

Қамқоршылық кеңес төрайымы:                                                   Джумадилова Д.Б.

Қамқоршылық кеңес хатшысы:                                                      Омарова Г.А.

Күн тәртібінде:

1.     2022-2023 оқу жылының І жартыжылдық бойынша қорытындысы

2.     І жартыжылдық бойынша оқушылардың және педагогтардың жетістігі

3.     Мектеп оқушыларының тәрбие бағыты бойынша байқауларға қатысуы

4.     Мектептің құрылыс және ағымдағы жөндеу жұмыстары туралы

5.     Әр түрлі мәселелер

Күн тәртібіндегі мәселе  бойынша сөзді мектеп директоры  Н.Ә.Әбдіқалық   бастады.  Төмендегідей мазмұнда есебін  ұсынды.

             Тараз  қаласы   білім бөлімінің № 56 орта мектебінде 2022-2023 оқу жылында 599 оқушы оқиды, оның ішінде 137 көп балалы отбасында 321 оқушы, 146 аз қамтылған отбасында 315,  толық емес отбасы 56: тек әкесімен  2 оқушы, тек анасымен 54 бала тұрады. Мемлекеттік  қызмет  көрсету   стандартына  сәйкес  269 оқушы   ыстық  тамақпен  қамтылған, Шалғай  елді мекендерден, саяжайлардан  келетін   202  оқушы  екі мектеп   автобусымен  тасымалданады. Биылғы оқу жылында қалалық  полиция бөлімінің есебіне 2 оқушымыз тұр. Олар: Жақай Жасұлан 10-сынып оқушысы, Қалабай Аңсар 11-сынып оқушысы. Мектепке бөгде адамдардың келіп-кетуін, оқушылар арасында құқық бұзушылықтың алдын алу мақсатында 18 бейне бақылау камерасы орнатылған, тағы 10 камера Жамбыл облыстық полиция департаментінде орталық бақылау бөліміне қосылып жатыр. 

           Тараз  қаласы   № 2  полиция  бөліміне   профилактикалық  есепке  «Жайсыз   отбасы» ретінде  есепке  алынған отбасылар жоқ. Мектепішілік есепте тұратын оқушылар саны 10. Бұл оқушылардың барлығы туған-туыстарының үйіне сенімхатпен қалдырылған оқушылар. 

2022-2023 оқу жылының басында мектеп оқушыларымен құқық бұзушылықтың алдын-алу мақсатында жүргізілетін іс-шаралар жоспары жасалып, бекітілді. Мектепте құқықтық тәрбие мен құқық бұзушылықтың алдын алу жөнінде кеңес жұмыс құрылған. Құқық бұзушылықтың алдын алу жөнінде кеңес отырысының шешімімен мектепішілік есепке  қою  алгоритмі   бойынша сенімхатпен туыстарының үйіне қалдырылған 10 оқушы мектепішілік есепке алынды. Жасөспірімдер арасында қылмыс пен құқық бұзушылық, суицидтік әрекеттерді болдырмау және алдын-алу бағытында мектепте құқықтық ақпарат бұрыштары ұйымдастырылып, түрлі профилактикалық   түсіндіру жұмыстары жүргізілуде. Мектеп педпсихологтары оқушылар арасында әлімжеттік, бопсалау, күш көрсетудің алдын алу мақсатында үнемі сауалнамалар алып отырады.

Сонымен қатар, жасөспірімдер арасында құқық бұзушылықтың алдын-алу және құқық бұзушылықпен күресуде көмек көрсету мақсатында мектебімізде  мобильдік топ жұмыс атқарады. Осы оқу жылында топтың жұмыс жоспары жасалған. Осы жоспарға сәйкес жұмыс үнемі жүргізіліп отырады. Мектеп директорының құқықтық тәрбие ісі жөніндегі орынбасары және мектеп инспекторы оқушылардың мектепке суық қару, жарылғыш заттар мен адам денсаулығына зиян келтіретін заттарды алып келмеуі мақсатында рейдтік іс-шаралар өткізіп отырады. Сонымен қатар мектеп оқушыларының кешкілік уақытта елді мекен көшелерінде бей-берекет жүруінің алдын кесу, құқықбұзушылықтың алдын алу мақсатында мектеп мұғалімдері сенбі және мереке күндері рейдтік іс-шаралар ұйымдастырып отырады. Прокуратура өкілдері, полиция басқармасынан жауапты қызметкерлер, Жамбыл облыстық дін проблемаларын зерттеу орталығының теолог мамандары үнемі мектеп оқушылары арасында «Кәмелеттік жасқа толмағандардың заң алдындағы жауапкершілігі туралы», «Құқық бұзушылықтың түрлері», «Дәстүрлі емес діни ағымдардың мектеп жасындағы оқушыларға ықпалы» тақырыбында түсіндіру   жұмыстарын  жүргізіп отырады. 

2022-2023 оқу жылының І жартыжылдығы бойынша үлгерім мен білім сапасының мониторингісі мен рейтингісінің қорытындысы туралы анықтама

         №56 орта мектебі  бойынша 1-11 сыныптарда 599  оқушы білім алады.                 ҚР БҒМ  2018 ж. 18 наурыздағы №125 бұйрығына сәйкес 1 сыныптар бағаланбайды. Осыған сәйкес 2-11 сыныптардағы білім алатын 550 оқушының оқу үлгерімі мен білім сапасына талдау жүргізілді. 

         Ағымдағы оқу жылының ІІ тоқсан қорытындысына сәйкес оқу  үлгерімі – 100 пайызды(2021-2022 оқу жылы -100%),білім сапа -57 пайызды құрайды.(2021-2022 оқу жылы-52 %) Оның 72 оқушы (12,9%) үздік, 242 оқушы (44,3%) екпінді болды. Өткен оқу жылының ІІ тоқсанымен салыстырғанда 5 %-ға артқан.     

   Бастауыш, негізгі, жоғары сыныптардың көрсеткіші төмендегідей: 

         Ең жоғары білім сапасы  2 «А»-72,4%,2 «Ә»-% ,3 «А»-73,9%,4 «Ә»-71,4 % сыныптарда.Ал, ең төменгі сапа – 8 «Ә»-41,7%, 8 «Б»-40,9%, 9 «А»-39,1%, 10 «Ә»-40%  сыныптарда 

         Бастауыш сыныптарда: жекелеген пәндер бойынша 2022-2023 оқу жылының ІІ тоқсанындағы білім сапасын І тоқсанмен  салыстырғанда төмендегідей:

• Математика пәні бойынша білім сапасы -1,2%  төмендеген 
• Жаратылыстану  пәні бойынша білім сапасы  +0,4%   жоғарылаған. 
• Қазақ тілі пәні бойынша білім сапасы +7,5%  жоғарылаған.
• Әдебиеттік оқу пәні бойынша білім сапасы +6,6% жоғарылаған
• Орыс тілі пәні бойынша білім сапасы   +3,6%   жоғарылаған.                                                    

        5-11 сыныптарда: жекелеген пәндер бойынша 2022-2023 оқу жылының   ІІ тоқсанындағы білім сапасын І тоқсанмен   салыстырғанда төмендегідей:

• Математика пәні: 5-6 сыныптарда білім сапасы +6,7%   жоғарылаған
• Жаратылыстану: 5-6 сыныптарда білім сапасы  +5,1 
• Алгебра пәні:7-11 сыныптарда білім сапасы -+1,9 пайызға жоғарылаған
• Геометрия пәні: 7-11 сыныптарда білім сапасы +4,6%   жоғарылаған.
• Физика пәні: 7-11 сыныптарда білім сапасы +5%   жоғарылаған.
• Биология пәні: 7-11 сыныптарда білім сапасы +1,6%   жоғарылаған.
• География пәні: 7-11 сыныптарда білім сапасы +2%  жоғарылаған.
• Химия пәні:    7-11 сыныптарда білім сапасы +3,5 пайызға жоғарылаған.
• Қазақстан тарихы пәні: 5-11 сыныптарда білім сапасы +3,5 пайызға жоғарылаған.
• Қазақ тілі пәні : 5-11 сыныптарда білім сапасы +14,6 %
• Қазақ әдебиеті пәні: 5-11 сыныптарда білім сапасы +3,8%
• Орыс тілі пәні: 5-11 сыныптарда білім сапасы +4,3 пайызға жоғарылаған.  
• Ағылшын тілі пәні  бойынша жалпы 2-11 сыныптарда +5,4 пайызға жоғарылаған.

         Қорыта келгенде, 8 «Ә»  сыныптағы білім сапасын көтеруге бағытталған жұмыстар нәтижесіз екені көрінді. Сондықтан, оқушылардың үлгерімі мен білім сапасын арттыруға бағытталған кешенді іс-шараларды іске асыру қажет. 

2022-2023 оқу жылындағы І жартыжылдық бойынша 

 мектеп   оқушылар мен  мұғалімдердің   жетістіктері

2022-2023 оқу жылы І жарты жылдық бойынша №56 орта мектеп   оқушыларының тәрбие жұмысы бойынша жетістіктері

2022-2023 оқу жылы өткізген жөндеу жұмыстары туралы мәлімет

2022 жылдың  шілде  айында «Разат»  жауапкекершілігі  шектеулі серіктестік шағын орталық ғимаратына  ағымдағы жөндеу жұмыстары жүргізді. Соммасы 8706735 тенге. Осымен қатар шағын орталықтың аумағын абаттандыруға ағымдағы жөндеу жұмыстары өткізілді. «Астанаэнергомастер» жауапкершілігі  шектеулі серіктестік соммасы 2 751625 теңге. 

Жазғы ағымдағы жөндеу жұмыстарына 400000 (төрт жүз мың) теңге бөлінді. Осы бөлінген қаражатқа әк, бояу, щетка, валик, олиф, және т.б. заттар әкелді. Мектеп түгел әктеліп, сырланды.

Акт залы мен  директордың оқу ісі жөніндегі орынбасарының  кабинетінің 

дәліздері отқа төзімді материалға ауыстырылды. Құны  600 000 теңге болды.

Мектеп шатырының жаңғыш құрылымдарын өртке қарсы өнделді, соммасы

182000 ( бір жүз сексен екі мың) теңгені құрады.

Жылыту құбырларының  қысымы тексеріліп, мекеменің қысқа дайындық паспорты жасалды.

Мектеп стадионына ағымдағы  жұмыстар өткізілді . Өткізген мердігер компания «ASEL ALMATY»ЖШС, құны 5 824 000 теңге тұратын оқушылар дене шынықтыру сабағында ойнайтын алаңды жабдықтады.

Қаулы етті:

Аталған мәселелер бойынша қабылданған шешім:

Мектеп директорының  2022-2023 оқу жылында оқу-тәрбие жұмыстары бойынша қамқоршылық кеңес алдында берген есебі «қанағаттанарлық» деп есептелінсін.

Қамқоршылық кеңес төрайымы:                                           Джумадилова Д.Б.  

Қамқоршылық кеңес хатшысы:                                             Омарова Г.А.

Қамқоршылық кеңес мүшелері:                                             Жаппаева А.Ж.

                                                                                                   Сыздықбаев А.А.

                                                                                                   Нарбекова Р.М

                                                                                                   Сулейменов М.С

                                                                                                 Аманжолова Г.А.

                                                                                                  Сарыбасов Б.С

                                                                                                 Мальгазарова Б.Қ

                                                                                                  Аккулиев М.М.

                                                                                                  Жүрсін Ғ.Ә