"Жомарт түлек Тараз" түлектер форумы

2023 жылдың 15 наурыз күні «Жомарт түлек» жобасы аясында алтын ұясына демеушілік көрсеткен түлектердің жұмысын насихаттау мақсатында 11 округтің, атап айтқанда №19,55,56,57,59 орта мектептердің ұйымдастыруымен "Жомарт түлек Тараз" түлектер форумы өткізілді. Іс-шараға ағымдағы жылдың түлектері, директордың тәрбие ісі жөніндегі орынбасарлары, кәсіби бағдар мамандары қатысып, "Жомарт түлектердің" көрсеткен қолғабыстар тарихына көз жүгіртті. Форумда түлектер өмір жолы, жеткен жетістігімен бөлісіп, үлкен өмірге қаланған берік баспалдақ үшін туған жеріне, мектебіне ыстық ықыласын, жүрекжарды алғысын білдірді. Бастарынан өткен қызықты сәттерімен бөлісіп, жас буынға ағалық жол сілтеп, келер ұрпаққа сенімін білдірді.

Кездесу соңында жомарт түлектерге алғыс хаттар мен "Жомарт түлек 2023" статуэткалары табысталды.

Жомарт түлектің жастарға тек материалдық қана емес, рухани қолдауы аса бағалы екендігіне көз жеткізгендейміз.